Moras Tensaun

Tiu ida idade ona, tamba moras tensaun, nia ba konsulta iha klinika. Doutor nia hasoru ne’e afinal la’os ema seluk ida, sei tiu ne nia kolega nia oan mane ida nebe uluk ba eskola doutor iha Cuba.

Doutor: Tiu, tenki book-an barak, la’o, hemu be barak, maibé labele han na’an liu-liu na’an fahi”

Tiu Jon: La han na’an fahi, ntaun han tan saida oan, la ho na’an fahi hau tolan la tun ida

Doutor: Hanesan ne deit tiu, na’an fahi mak labele, maibé buat sira be nani iha be laran ne bele han. Buat iha be laran deit. Husi tasi labele, ikan tasi, suntu, no boek, ne labele, So buat sira be nani iha be laran deit eh tiu. Ne laiha problema ida.

Liu tiha semana ida, Doutor ne’e hakarak ba vizita tiu Jon iha nia uma,
Doutor: "O nia pai iha ka?"
Oan mane: "Sim, pai iha … nia iha hela ami nia kolam renang."
Doutor: "Hah, ne mak diak... agora Pai badinas olahraga?"

Oan mane: "Lae ida doutor, Apa hanorin hela ami nai fahi atu nani iha be laran"