Istoria iha aviaun laran

Momentu sa’e aviaun husi Singapore atu ba Japan, ema nia aman ida tur besik labarik feto ida. Wainhira aviaun komesa take-off no semo sa’e, ema nia aman ne’e fila ba labarik feto-oan ne’e hodid dehan: 'Hau sempre sente katak tempu la’o lais liu wainhira iha aiaun laran ita konversa ho ita nia maluk pasajeiru nebe tur iha ita nia sorin.'

Labarik nebe foin loke nia livru atu lé ne’e, taka didiak nia livru ho neneik haré ba ema nia-aman ne’e hodi dehan, 'OK. Tiu hakarak atu koalia saida?'
Oh, hau la hatene,' ema nia-aman ne’e hatán. 'Oinsá ita koalia deit kona-ba mudansa klimátika?'
'Sim,' labarik ne’e hatán, 'ne’e tópiku interesante. Maibé antes ita komesa, hauhakarak husu uluk pergunta ida. Kuda, karau ho bibi,  sira han duut nebe hanesan, maibé wainhira te fali, bibi nian, nia ten musan maran kiik-oan hanesan fore-rai, Karau nian bokon naben hanesan sasoro lihun boot, depois kuda nia ten mesak duut maran nebe kabuar atu hanesan pao timor nian. Tuir tiu nia hanoin, tamba sá mak hanesan ne’e?'
Ema nia aman ne’e, hanoin uitoan depois hatán,: 'woow, hau nunka hanoin kona-ba ida ne’e no jujur deit hau la hatene nia resposta.'

Labarik feto ne’e, komesa loke fali nia livru atu le hodi dehan: 'Tiu, oinsá mak tiu hakarak atu koalia kona-bá mudansa klimátika, kuandu tiu la hatene té ida?' (te deit mos tiu la hatene.