Fahe Warisan

Tukang tahu Jakarta nian ida moras todan iha ospitál. Hatene nia besik atu mate ona nia oan sira mai hakbesik hodi rona nia lia-menon, karik nia atu fahe nia warisan. Perawat ho ninia fen mos mai tur besik hodi rona nia hameno ba nia oan sira.

“Ba O, Joao, hau entrega ba O perumahan sira iha Bintaro

Ba O hau nia oan feto, hau husik hela O apartemen sira iha jalan Rajawali Selatan, Kemayoran nian

Ba O, Ameu, tamba o mak oan ikun, iha futuru nebe diak liu, hau entrega ba O, Gajah Mada Plaza. 

Ikus liu ba O hau nia fen, tamba o moris hamutuk, terus no kontenti hamutuk ona ho hau ba tinan naruk, hau fo ba perumahan sira iha ita nia uma oin ne’e.

Sira hotu nonok deit, maibé ninia perawat be tur iha neba, bisi-bisi ba katuas ne nia ferik-oan, “Señora, ita-boot nia katuas riku pa. Nia hameno no fo hela warisan ba imi ida-idak. Imi hotu sorti los.”

Señora ne’e, fila ho lian aas uitoan hatán fali ba perawat ne’e, “riku ne’e deit? Dehan ami sorti fali ka? Nia ne’e tukang tahu keliling deit. Fatin sira ohin nia temi ne’e, ninia rute fa’an no nia langganan tahu lor-loron nian.”

Istoria wainhira hein atu jemput oan iha Canossa

Señora nain rua, Regina ho Lourdes pas besik tuku 12 ba tur hein sira nia oan iha Canossa. Sambil hein sira konta halimar istoria. Senhora Regina dehan ona, “momentu hau nia oan ida agora eskola iha Canossa ne’e moris, hau nia katuas oan sosa hau kadeli osan mean 22 karat husi Surabaya”

Señora ida fali, Lourdes, hatan, “Ne’e diak to!”

Depois Señora Regina kontinua fali, “tinan liu ba hau nia oan ikun moris, liu tiha fulan 4 hau nia katuas oan lori hau ba pasiar iha Singapura nia sosa mos ba hau Korrenti Osan mean ida, folin besik $2,000”

Señora Lourdes hatán fali, ho oin midar, “Ne’e diak to!”

Señora Regina kontinua fali ho kontenti, “agora nia dehan, se hau isin rua dala ida tan, nia sei lori hau ba pasiar iha Paris,”
Señora Lourdes hatan nafatin, “Woow, ne’e diak to!”

Depois Regina husu ba Lourdes, “Be o fali, momentu o nia oan pertama moris, O nia katuas-oan fó saida ba O?”
Señora Lourdes hatán, “hau nia katuas-oan haruka hau ba eskola.”
Regina: “Hah, tamba sa mak nia haruka fali O ba eskola ne’e?”

Lourdes hatan fali, “Ne’e para hau aprende no hatoman-an atu hatan ba ema ho liafuan ‘Ne’e diak to’, Lae uluk ne’e hau toman hatan deit hatan ‘H*t O nia A**n,’ ou se lae 'f*ck off', kuandu ema gava-an iha hau nia oin.”

Keta trata-aat ema nia prezente tamba ita la hatene ninia futuru

Uluk iha SMPK Colegio Maliana iha tinan 1990 iha kolega ida mak ema hotu dehan ‘beik-ten”. Nia kolega sira hotu la gosta nia tamba ninia beik, liu-liu ninia mestra nebe dalabarak hakilar nia, “O nia kakutak tau iha nebe Antonio. O halo hau ulun moras deit, Diak liu O lalika mai eskola ona”.

Loron ida, Antonia nia inan-aman hakarak ba haree Antonio nia kondisaun. To’o iha nebá ninia mestri ne’e hateten onestu deit ba António nia Mãe, katak nia oan ne dezastre ba edukasaun labarik sira seluk iha eskola, tamba mestri tenki repete no buka meius oi-oin lakon tempu para atu hanorin deit nia. Mestre mos dehan, nia nunka haree ema beik hanesan António iha ninia moris tomak.

Ninia inan nervoza, la simu ho ida ne’e no nia hasai nia oan mane husi eskola Colegio no hatama iha eskola seluk. Nia hakarak hatudu no prova ba mestre no sira seluk katak saida mak sira hanoin ne’e la loos. Ninia oan iha potensia. Tan ne’e nia haruka tiha ninia oan ba eskola iha Atambua.

Liu tiha tinan 24, foin lalais iha Janeiru 2014, mestri ida uluk dehan António beik ne’e hetan moras iha ninia fuan. Doutor sira hotu iha ospital dehan ba mestri ne’e katak iha dalan ida deit, ne’e mak operasaun fuan. Maibé doutor sira mos dehan katak, opearsaun fuan ne’e so doutor ahli bedah ida deit mak bele halo, sira hotu laiha espesializasaun ba ida ne’e. Tamba laiha opsaun seluk ona, nia asina no pronto atu halo operasaun, no operasaun ne’e la’o ho suksesu.

Wainhira mestri ne’e loke nia matan, nia haree doutor ne’e nia oin, bonito, no sei uza hela roupa operasaun nian. Doutor ne’e fo oin-midar ba nia. Maski sei iha hela influensia anesthesia (bius), nia hakarak teb-tebes atu fo obrigado ba doutor ne’e maibé nia labele koalia, ibun toos. Doutor ne’e fihir nia oin didiak tamba nia pasienti (mestri) ne’e nia oin komesa sai azul. Mestri ne’e hiit liman atu dehan liafuan ida, maibe moras demais nia la tahan, oin mos sai azul, mate derrepenti.

Doutor ne’e hakfodak no koko atu kumprende saida mak foin akontese dadaun iha nia oin ne’e. wainhira nia fila kotuk mak nia foin haree, afinal ita nia kolega António ne’ebé serbisu hanesan cleaner iha ospitál ne’e foin dada sai fiu ventilator ba mestri pasiente ne’e hodi nia bele pel semente.

Hmm… imi le serius los, imi hotu pasti hanoin kala António uluk beik ne’e mak agora sai doutor ne’e karik.. Jujur deit, hahaha.. peace..