Istoria husi Maliana

Hotu-hotu hatene uluk eletrisidade mate moris. Iha disritu eletrisidade lakan deit komesa husi oras tuku 6 loraik to’0 fali tuku 6 dader. Loron manas la lakan ida.

Iha 2012, tamba iha mudansa, eletrisidade iha maliana mos lakan permanente.

Ho ida ne’e, Joanita husi Maliana mos aproveita TTL hodi koalia ho nia doben Aniceto, loron manas boot. Konversa tiha oras 2, nia doben iha Dili husu ona, “Mor, O la taka o nia telefone ona ka? Orsida bateria hotu ona. Imi eletrisidade loron laiha to?”

Joanita ho fiar-an hatán kedas, “Mor, ami iha Maliana agora listrik lakan 24 jam. Loron lakan 24 jam, kalan mos lakan 24 jam.

Robot matenek

Tiu Luis nebe uluk foti S3 iha IT konsege kria nia robot ida  nebe bele detekta ema nebe bosok. Ninia robot ne’e sei basa ema nia oin wainhira ema ne’e bosok.

Ttamba orgullu nia hakarak koko / test ninia robot ne’e. Nia lori ba sala hodi hein nia oan mane fila uma. Hein ba hein, nia oan mane la fila hela deit. Kalan tuku 11 mak nia oan mane foin tama uma.

"Heh, O ba nebe deit? Nusa mak foin tama uma," tiu Luis husu.
"Iha pelajaran adisional sa," nia oan mane hatan.
'PLAK' robot ne’e basa nia oan mane.
"Oan, ne’e robot nebe hau foin kria, Nia sei basa se deit mak bosok..! agora dehan lolos deit, tamba saida mak mai tarde??," nia aman husu fali.
"dekulpa pai.. foin nonton hotu iha kolega nia uma," oan mane hatan.
"Filme saida?,"
"Filme Sinetron sa pai,"
'PLAK!' robot basa nia oan mane tan dala ida
"agora dehan lolos deit imi nonton saida??"
"deskulpa pai... ami nonton filme porno"

Rona ida ne’e Tiu Luis hirus los, hodi dehan "O ne... sei labarik deit mos nakar tena, O atu saida mak ne, wainhira o boot ona? palerma... halo moe deit.....!!! O nia pai, hau, uluk sei idade hanesan imi ne’e, nunka halo buat hirak hanesan ne’e...!"
'PLAK!' derrepente robot basa tiu Luis

Sala ne’e nonok kedas. Tiu Luis nia fen tama mai hodi koalia salva situasau... "Hah, afinal hahalok hanesan deit, Aifuan ne’e monu la dook husi nia hun. Oan ho aman hanesan deit? Los ona, lalika kastigu nia, halo nusa ba mos Amor, nia ne’e O nia oan ma ...

 'PLAK'
Robot basa fali tiu Luis nia fen antes Tiu Luis nia fen remata nia liafuan .. 

Hotu-hotu hare malu deit, laiha ida mak koalia!

Afinal hotu2 hanesan deit

Apai terke uitoan

"Nusa, doben?"  Sr. Antonio husu ba nia ferik oan.. "Tinan 30 ona la ba diskotek ne’e, hau sente laiha buat ida mak falta, los ka lae. Ita ba iha ne’eba atu halo saida?"

"Amór! Ohin ne’e ita nia aniversariu. Hau hakarak ita ba netik iha ne’ebá kalan ne’e," ninia ferik oan hatán makás liu tan lakohi lakon.

Diskuti ba diskuti mai, ikus mai, sira ba duni diskotek. To’o iha nebá, resepsionista diskotek simu ho respeitu, “Boanoite, Sr. Antonio, sosa tiket rua hanesan bai-bain ita sosa?" Ferik oan fihir ba Antonio ho hakfodak uitoan.

Tama tur tiha, pelayan sira hakbesik mai sira, "Boanoite, Sr. Anotnio. Ita hakarak hameno hahán hanesan bai-bain ita hameno?" to’o ida ne’e nia ferik oan ruun ona nehan, maibe seidauk komentariu buat ida.

To’o kalan boot, MC mos to’o ona mai. "Maluk sira hotu.. bemvindo. Ita nia acara kalan ne’e komesa ho dansa molik. Se mak hakarak kolu kalsa uluk?"

"Maun Antonio, maun Antonio, maun Antonio, maun Antonio.......!" ema sira seluk iha diskotek laran haklalak los ba Sr. Antonio.

"Filha da mãe!! Mane puta!" nia ferik oan hakilar nervozu los no baku nia lapara. Sr. Antonio la sadar tiha, hakfodak mai iha tiha ona taxi nia laran.

"O hanoin, loron seluk hau husik O sai badiu mesak fali iha kalan ka? Lae duni..!” nia ferik oan sei hakilar no baku nafatin nia..

Derrepente sofer taxi mos fihir mai kotuk, ho oin midar husu, "Sr. Antonio, hau sente foin ohin kalan hau haré ita lori feto ho model ida hanesan ne’e. Agora halo nusá, hanesan bai-bain lori langsung ba hotél deit ka, hanusá?"

Bele imajina, tiu Antonio nia sorte kalan ida ne’e semo lakon.

Funsaun ba fen

Bento kleur ona sai belun ho Sanio. Aban Sanio atu kaben. Kalan ne’e, Sanio hemu halimar cerveja ho nia kolega Bento iha asi ibun. Bento komesa fo hanoin nia, no hameno liafuan murak ba nia kolega antes kaben aban.

Bento : "Nudár katuas-oan, ita iha funsaun tolu ba ita nia fen. Funsaun tolu ne’e mak sai Sandaran Hidup, sai Pandangan Hidup no sai Pegangan Hidup ba ita nia fen. Wainhira ita nia idade aumenta tan, ita nia funsaun mos troka"

Sanio : "Hau la kumpriende bro?"

Bento : "Fofoun foin kaben ne’e, O pasti sei funsional hanesan Sandaran Hidup, katak, O nia fen foin sandar deit mos, o moris tena "

Sanio : "Se idade tan uitoan hanusa?"

Bento: "O sei sai Pandangan Hidup ba O nia fen, katak, O nia fen foin pandang deit mos, O moris tiha ona"

Sanio: "Idade liu tan, hanusa?"

Bento: "O sei sai Pegangan Hidup ba o nia fen, katak, nia kaer halimar mak O foin moris"

Liafuan Ikus

Lucia hatene hela katak nia atu mate ona, familia hotu mos prontu ona atu husik nia ba mundu seluk ona. Tamba ne’e nia bolu nia katuas oan Anito  hodi hameno hela. Nia oan mane mesak mos mai hamriik hotu ho nia Pai
Lucia : Hau nia doben, antes hau mate, hau hakarak, o bele penuhi hau nia permintaan to???.
Anito : bele, bele, O nia permintaan ne’e saida??
Lucia: Amor, o bele kuidadu it’rua nia oan mane mesak ne’e to? Hau hakarak o kuidadu nia, la baku nia.
Anito: Oh, ne’e bele. Nia mos hau nia oan, hau sei la baku sa. Hau sei kuidadu nia didiak!!.
Lucia: Amor, hau nia rate lalika tau semente no keramik, husik ho rai deit, maibé hau hakarak O rega hela deit hau nia rate lor-loron to’o O mate, bele ka lae??.
Anito: Bele amor, ami sei la tau semente, no hau sei rega o nia rate lor-loron to’o hau mate. O sei dada is ne’e hau promete kedas ida ne’e!!!.
Lucia: Ikus liu doben, o bele ka lae, penuhi hau nia permintaan ida ikus liu???.
Anito: Bele deit amor, dehan mai ba, o nia permintaan ikus ne’e saida???.
Lucia : Amor, promete mai hau katak O so bele kaben fali ho feto seluk, kuandu hau nia rate maran ona???.
Anito: $@^%$^&@$(%@&%*)%(