Sosa telefoni lai, prima

Iha maluk ida naran Mário husi Turki (alias Turiskai) osan barak tamba ninia produsaun kafe tinan ne’e diak. Ho ida ne’e, nia mai ona Dili atu sosa buat ruma ba nia-an hodi goza. To’o iha Dili nia ba los Timor-Telecom Colmera hodi sosa nia telefone foun ida.

“Hakarak sosa saidá tiu?” alin feto iha TT komesa husu.
“Hau hakarak sosa hau nia telefoni ida xa” Mario hatán
“Oh bele tiu, mas tiu iha ona SIM card ka?”
“Oh presiza mos SIM ka?” husu tiu Mário komesa loke nia dompet hasai SIM kareta nian uluk sei lori kareta iha tempu Indonezia.
“Tiu, La’os SIM lori kareta nian, maibé kartaun operador telefoni nian. Tiu hakarak, sekalian hola deit ona ho SIM prepagu Timor Telecom nian?” alin feto ne’e explika. Tiu sente moe uitoan tiha, maibé koko taka falta ho oin serius
“Oh sim, entaun diak sekalian sosa deit ho SIM card TT nian ba.” Tiu Mário koalia fiar-an los.
“Mas tiu, hau husu lai. Tiu hela iha ne’ebé?”
“Hau? Hau hela liu iha Turiskai, iha liu foho ne’ebá.”
“Oh tiu, iha ne’ebá laiha redi (jaringan) tiu.”
“Ne ka? Entaun alin, sekalian sosa mos ho redi deit ona, ne’e para kompletu.”

“hah?” pusing pusing...