Kalsinha metan

Balu ne’ebé la’o haleu tiha ona Dili laran karik, pernah haré ema nia inan mista bulak ida dalaruma la’o molik (la tau roupa ida) iha sidade laran. Ema barak dehan nia husi Bairro-Pite. La hatene los ka lae.

Loraik ida, hau ho kareta tun mai husi Manleu nian atu ba Delta hamutuk ho hau nia oan mane, hasoru los mista bulak ne’e kidun molik la’o hasoru iha estrada. Haré ba ida ne’e hau nia oan mane, spontan hakilar hodi hatudu, “daddy, ema nebá la’o molik ne’e!”

La hatene atu hatán saida ba hau nia oan, hau hatán ho lian mamar no sante los, “La’os oan, O haré didiak, nia la molik ida, nia uza dadaun kalsinha metan ne’e. Haré didiak iha oin, iha kalsinha metan to?”

Sorte loraik uitoan ona be hau nia oan, fiar deit hodi hatan, “oh, los daddy.”

Ho kareta foin liu ema nia inan ne’e nia sorin, hau nia oan mane haré tuir nafatin tuir kareta nia vidru kotuk. “Daddy, kalsinha saida mak haré husi kotuk laiha buat ida ne’e.” Hau nia oan sei complain hela deit.

Hau hamnasa hodi hatán, “oan, ida ne’e mak ema bolu G-String. Kalsinha ida uza hena rohan kiik deit. Dalaruma mai kotuk nian ne’e sira uza nilon deit, nebe ita hare la hetan”