Tamba
manan ona projetu bar-barak no iha osan barak ona, depois mos tamba nia uma uza
hanesan edifisiu ba kompanhia kontraktor, António husu ba Timor Telecom atu
liga mos telefoni fixu ida iha nia uma.
Ful-fulan
pagamentu ba TT diak hela tamba kustu mensal nian mos razoável (masuk akal)
hela.
Loron
ida, invoice ba telefoni fixu iha uma ne’e sa’e makaas derrepente. Nudár xefe
familia António bolu hotu sira iha uma laran ne’e hodi husu se los mak uza
telefone arbiru deit.
António
komesa dehan, "hau ladun uza telefone fixu ne’e, kecuali ema ruma telefone
husi uma. Hau dalabark
uza hau nia mobile phone hodi halo xamada nasional no internasional.”
Nia oan mane hatán, "hau hotu pai, Hau uza deit telefone iha hau nia
serbisu fatin, ou dalaruma impresta kolega nian, maibé hau nunka uza telefoni
iha uma ne’e "
Oan feto mos hatán hanesan. "pai hau okupadu los ho hau
nia servisu iha kantor, fulan ne’e sibuk ho treinamentu iha distritu, tan ne’e,
hau mos uza hela deit telefone iha hau nia serbisu fatin no jarang los uza telefone
uma ne’e."
Mãe
mos hanesan ho sira seluk, tamba serbisu iha NGO, nia mos uza deit telefoni iha
nia serbisu fatin no jarang uza telefone iha uma ne’e.
Sira
hotu tau matan ba pembantu ne’ebé rona hela sira. Pembantu ne’e mos la puas,
hamrik hodi dehan, hau mos hanesan ho imi, "Imi uza imi nia telefone iha sebisu
fatin, hau serbisu iha ne’e, hau mos uza telefone iha hau nia serbisu fatin."
No comments:
Post a Comment