Primeiru Ministru vs Ministru Adm Interna

Loron ida Primeiru Ministru (PM) nasaun ida husu ba ninia Ministru Administrasaun Interna (MAI), karik ninia nasaun ne’e sei iha idiotas (ema beik) barak.

Ninia MAI hatan, “sim hau fiar sei iha”.

    

PM fó orden ba MAI atu la’o haleu nasaun ne’e tomak hodi buka no lori mai PM ema nain 5 ne’ebé mais idiotas (beikten liu) hodi lori mai iha Konsellu Ministru.

    

MAI sente difisil uitoan tamba fasil tebes atu identifika se mak metenek liu, liu husi kompetisaun ruma, maibé oinsa atu identifka se mak beik ten liu (mais idiotas). Maske nune’e nia ba-mai nasaun nia laran buka meius hodi bele identifika ema mais idiotas. Liu tiha fulan ida, nia konsege fila mai ho ema nain rua ne’ebé tuir MAI sira mak beikten liu ona.

    

Tuir mai ne’e mak konversa entre PM ho MAI iha Konsellu Ministru wainhira aprezenta idiotas nain 2 ne.

PM: Ministru MAI, hau sente o nia matemátika ladún loos karik. Hau haruka O ba buka ema nain 5, nusa mak o mai lori nain 2 deit?

MAI: Sua Exellensia, favór husik hau explika atu nune’e ita rasik bele kumprende didiak.

PM: Ok, halo favór kontinua.

MAI: Sua Exelensia, wainhira hau la’o haleu ita nia nasaun ne tomak, hau haré ema nia aman ida ne’e tutur nia karoon iha nia ulun maske nia tur hela iha angguna nia laran nebe mamuk. Wainhira hau husu, nia hatán, nia lakohi rai tun nia karoon tamba ta’uk angguna nia roda kempes tamba ninia karoon todan loos. Ho ida ne’e, hau desidi katak nia mak ema idiota ba dala lima (kelima)

PM: ok diak, kontinua…

MAI: hau haree fali mane ida seluk ne’e lori nia karau ba iha uma leten hodi nia bele han hotu duut sira nebe moris iha nia uma leten. Nusa nia la sae ba hamos duut ne’e ho ninia katana, ou karik atu fo han, nusa nia la lori krau ba fatin seluk. Iha foho neba duut barak los. Tamba ne’e hau desidi katak nia mak idiota ba dala 4 nian (idiot keempat).

PM: Depois? Sira seluk iha nebe?

MAI: wainhira iha ita nia nasaun laran iha problema barak, administrasaun interna iha failansu barak, maibé hau husik hela hau nia serbisu importante ne’e hodi gasta tempu ba buka idiotas sira, ne’eduni, hau sente hau mak idiotas ba datoluk (ketiga).

PM: hamnasa kontenti loos, Tuir mai se tan?

MAI: Em vez de rezolve problemas barak iha ita nia rai laran, hanesan korupsaun, dezempregu, infraestrutura ladiak, problema saude, edukasaun no seluk-seluk tan, sua Exelensia preokupa deit atu hatene idiotas sira iha nasaun ida ne’e. Ne’eduni, tuir hau, Ita-boot mak idiotas ba daruak (kedua)

Rona ida ne’e, konsellu nia laran hotu-hotu tauk, nonok, no hakmatek los hein saida mak PM atu hatan ba ida ne’e. PM mos nonok no hanoin makaas los.

PM: Ok, hau haree iha lia loos iha o nia stetmentu ne’e, hau labele nega.  Entaun se mak idiotas primeiru liu iha nasaun ida ne’e?

MAI: Sua Exelensia, iha serbisu barak iha ida-ida nia serbisu fatin no uma atu ita halo. Maibé ema balu husik hela nia serbisu no responsabilidade sira ne’e hotu hodi le deit istoria ida ne’e.. Ema nebe le ida ne’e parese hatene se mak idiota dahuluk (pertama) tamba sibuk los le post ida ne’e hodi haluha ninia serbisu.

Peace deit, e Loron diak