Ekipa survey iha area remota

Loron ida ekipa survey PNDS (Programa Nasional Dezenvolvimentu Suku) nian ba iha suku remota ida dook husi estrada no fatin sira seluk. Iha ne’ebá, televizaun mos laiha, internet mos laiha, neduni ekipa ne’e la hetan informasaun rai-laran.

Loraik ida, avo Berta tesik mai iha ekipa ne’e nia baraka hodi dehan, “aban udan sei tun, imi labele sai”

Dader hader mai, udan duni, nune’e sira nia survey la la’o.

Liu tiha semana ida, avo Berta ne’e kuru be liu los sira nia uma oin. Avo ne’e dehan fali, aban anin boot.”

Loron tuir mai anin boot duni..

   “Avo feto ne’e perigu uitoan pa, ninia ramalan sira kona hela deit. Loron seluk atu sai ba survey karik husu deit avo ne’e ona.” Lider ekipa survey ne’e hanoin.

 Maibé, depois de avo ne’e ramal lubuk ida (nunka sala), derrepente deit, semana ida nia laran avo feto ne’e la liu ona sira nia uma oin. Pas aban fali atu ba survey, lider ekipa ne’e ba avo feto nia uma husu ajuda.

    “Avo, aban ami atu ba halo survey iha foho oan neba nia sorin ne’e. Avo ramal tok klima aban nian, keta anin boot ka udan karik?”
   “Aih oan, Avo feto la hatene ida. Problema semana ida ona avo nia pilha radio antigu ne’e fraka ona. Hau nia oan seidauk ba merkadu atu sosa fali”