Dader ne’e tiu Jacob (iha foho bolu Sakó), sa’e mikrolet
husi Delta atu ba urus nia dokumentu veteranu iha Caicoli nebá.
Iha mikrolet laran, tiu Sakó tur hasoru los menina bonita
ida. Ema hotu komentariu no diskuti ba mai kona-bá jogu Copa Mundiál nian nebé
agora manas-manas hela. Menina ne mos iha kunhesimentu luan kona-ba jogu ne’e,
nebe nia mos simu hatán diskusaun Kopa Mundial ne’e diak los ho pasajeiru sira
seluk.
Tiu Sakó sente ba hanesan fali atu lakon ho joven sira
seluk, tamba la tuir info Kopa ne’e.
Tiu Sakó mos komesa korta no tama hotu ba diskusaun ne’e..
“Ano sira, imi koalia jogadór sira ne’e, Cristiano Ronaldo
ka Messi ka, sira ne’e la vale hotu. Uluk ami nia tempu ne’e buatamak ida mak
joga diak liu hotu.
“Tiu nia maksud ne’e Pele to?” joven ida husu fali ba tiu
ne’e.
“Se mak Pele? Hau la hatene nia ida, Ida seluk fali. Nia
foin mate foin lalais ne’e. Nia kunhesidu liu imi nia Messi ho Cristiano sira
ne’e.”
“Hah? Mate tiha ona? Tiu dehan Maradona karik, nia sei
moris?”
“La’os Maradona!” tiu ne’e hatán depois hanoin uitoan,
La kleur tiu ne’e ho konfia hatán fali, “ah los, nia naran Michael
Jackson!”
Menina ohin tur iha oin ne’e pas atu hemu be, be sira
nakfisik sai hotu husi ibun. Hotu-hotu hahaek hare malu, la hatene tiu ne’e
kadó ou dabak duni.
Tiu ne’e ho konfia-an hatete tan, “tebes ne sa, nia mak
joga, hau gosta tamba jeitu duni… “
No comments:
Post a Comment