Iha eskola Ensino Primária ida mestra hameno atu estudante sira
hakerek istoria badak ne’ebé iha ninia lisaun ba moris (iha ingles
dehan, story with ‘moral of story’) hodi le iha kelas laran semana oin.
To’o
loron submisaun ne’e, ida-ida mai ho ninia istoria no le iha oin ba
kolega sira hotu rona. Iha lisaun barak, balu kona-ba esperansa,
pasiensia, domin no sst. Ikus liu belun ida naran Cesar. Mestre bolu
nia, “Cesar, O mos iha istoria ruma atu fahe ka? Keta haluha istoria
ne’e tenki iha ninia lisaun ba moris.”
“Sim Mestra, hau nia Pai
konta mai hau kona-ba hau nia Mãe. Uluk iha ai-laran tempu rezistensia
ninia pozisaun Sargento. Loron ida, nia halai sala malu husi soldadu
sira no ninia kompañia. Iha nia isin lolon nia iha deit mak pistola ida,
tudik kiik-oan ida ho tua sabu butir ida. Nia hemu tiha tua sabu ne’e
halo mamuk para nia bele uza mos butir ne’e hanesan arma ida.
La’o
tun sa’e derrepenti hau nia Mãe tama sala forsa Indonesia nia leet.
Nain 20 mak ataka lisuk nia no haruka nia atu rende. Maibé book-an lais,
nia tiru soldadu Indonesia nain 15 ho ninia pistol to’o kartus mos
mohu, oho nain 4 fali hodi nia tudik to’o tudik tohar tiha, no ida ikus
liu ne’e nia oho uza butir mamuk ne’e no mos hodi ninia liman mamuk."
“Ai Maromak, O nia istoria ne’e ‘menakutkan’ pa” Mestra rona ho hakfodak no ta’uk.
“Entaun Lisaun husi O nia istoria ne’e, O nia Pai hatete dehan saida?” Mestra kontinua husu.
“Lisaun husi istoria ne’e mak ne’e,labele besik hau nia Mãe kuandu nia lanu hela..!”
Keta le sériu demais hahaha. Loron diak no serbisu didiak.
No comments:
Post a Comment