Reprezentante ofisial ho ninia Kartaun Autorizasaun

Fargo iha tempu bai-loron iha problema uitoan ho be. Tamba fatin ne’e hanesan fatin ba agrikultura nian, dalaruma agrikultor balu uza be barak liu fali agrikultor sira seluk no familia sira seluk.

Loron ida, Offisial ida husi Departamentu Be mos nian (Department of Water Resources) passa ravista ba uza be nian no liu iha Tiu agrikultor ida nia toos.

Nia dehan ba tiu ne’e, “Hau presiza halo inspesaun ba alokasaun be iha ita nia toos.”

Tiu petani ne’e hatán, “OK, maibé favór ida labele ba iha toos oan ida hau tau lutu haleu metin neba.”

Reprezentante husi Departamento be mos ne’e ho oin sériu hasai ninia kartaun hatudu no koalia ho lian makaas, “Señor, hau husi departamentu be mos, hau iha autoridade tomak husi Governu Federal, haré kartaun ida ne’e? Kartaun ida ne’e katak hau iha autorizasaun tomak atu ba KUALKER FATIN HOTU hau hakarak atu ravista kona-ba uzu (penggunaan) be. Klaru ona ba ita ka lae? Hare didiak kartaun ne’e?' Kartaun ne’e se loos ba tiu petani nia matan laran.
 

Tiu agrikultor nebe idade ona ne doko ulun deit, hakruuk no fo lisensa ofisial ne’e passa ravista sen komentariu tan. Tiu agrikultor ne’e rasik kontinua ninia serbisu iha toos laran.

La kleur, tiu petani ne’e rona ofisial ne’e hakilar ladiak-an los no halai sai husi lutu laran ohin dehan ne’e ho is badak-naruk, halai mohu nian. Iha nia kotuk krau aman siak ida tutuir hela nia besik los. Ofisial ne’e tauk tebes no hakilar klamar semo husu tulun.

Tiu petani ne’e husik hela ninia enxada halai besik ba lutu ne’e hodi hakilar ba ofisial ne’e, “Senhor nia kartaun ne’e. Hatudu ba krau  tiu nia kartaun ne’e. Kartaun ohin ne’e Señor.”