Istoria husi Australia

Estudante Timor oan ida iha Australia loron ida ba Woolworth (Loja fa’an hahán nian iha Australia). Nia haré busa nia hahán diskontu ho folin baratu los. Nia foti latarias busa nia hahán ne’e hamutuk kaleng 12 no sai ba atu selu.

Manajer loja ne’e diskunfia. Haré ba kolega ne’e nia jeitu, oin ho kor kulit metan ne’e, malae ne’e hanoin ema ne’e naumedigas bele hakiak busa. Malae ne’e hanoin parese kolega ne’e osan laiha los, ne mak hakarak atu sosa fali busa nia hahán atu ba han ka fo han nia oan sira ho busa nia hahán. Manejer ne’e husu ba nia atu nia lori nia busa mai hatudu, antes nia sosa busa nia hahán. Estudante Timor oan ne’e halo tuir deit. Nia ba to’o fali uma, lori nia busa mai loja ne’e hatudu hodi nune’e nia bele sosa busa nia hahán.

Semana tuir fali mai, estudante ne’e haré latarias asu nia hahán mos diskontu bratu los. Nia foti tan lata 12 hodi sai ba atu selu. Manager ne’e diskunfia dala ida tan. “Oin hanesan ema nia aman ne’e naumedigas hakiak busa, hakiak mos asu!” manager ne’e hanoin iha nia laran. Tan ne’e nia husu tan kolega Timor oan ne’e atu lori nia asu mai loja, hatudu uluk lai, mak foin bele sosa asu nia hahán. Maske nervozu kolega ne’e halo tuir deit. Nia fila ba uma lori nia asu hatudu, pois nia konsege sosa asu nia hahán latarias ne’e.

Semana tuir fali mai, estudante Timor oan ne’e mai fali ho plastik ida. Nia husu ba Manajer Woolworth atu tau nia liman ba plastik ne’e nia laran.
Manejer ne’e tau duni nia liman ba plastik laran. Nia sente nia liman hanesan kaer buat bokon ida, mamar no kois. Nia hasai lalais nia liman hodi hakilar, “Merda, Ne’e te ne. Palerma, O bulak ka?”

Estudante Timor ne’e ho kalma hatán, "Sim, i hau hakarak atu sosa tissue sintina nian."

Parese ita la fiar tan hau katak hau atu te, diak liu hau lori kedas...